පුද්ගලයා පවුල කණ්ඩායම සහ ප්‍රජාව කේන්ද්‍ර කර ගත් ජීවනෝපාය ආර්ථික සංවර්ධන ක්‍රියාකාරකම් ප්‍රවර්ධනය කිරීම තුලින් දිළිඳුබව තුරන්කිරීම සහ සමාජ සාධාරණත්වය සහතික කරනු ලබන සමාජයක් බිහි කිරීමේ අරමුණින් පිහිටවූ සමෘද්ධි සංවර්ධන දෙපාර්තමේන්තුවට වසර 30 ක් මේවන විට ගතවී ඇති බවත් එම දිනය ද ඉලක්ක කරගනිමින් සමාජ සත්කාරයක් කිරීමට ලැබීම කාලෝචිත ක්‍රියාවක් බව අනුරාධපුර දිස්ත්‍රික් සමෘද්ධි අධ්‍යක්ෂක ඩබ්ලිව්.ඒ වසන්ත මහතා ප්‍රකාශ කර සිටියා.
අනුරාධපුර සතුටු ළමා නිවාසයේ දුවා දරුවන් හට ආහාර, ඇදුම් පැළදුම් සහ පාසල් උපකරණ බෙදා දීමේ අවස්ථාවට එක්වෙමින් අනතුරුව ඒ මහතා එසේ ප්‍රකාශ කර තිබෙනවා.
එම ළමා නිවාසයේ ආබාධිත දියණියන් 35 ට ආසන්න පිරිසක් මේවන විට සිටින අතර එහි ප්‍රධාන පාලිකාව ලෙස ස්වර්ණා කාන්තිලතා මහත්මිය කටයුතු කරන අතර දරුවන්ගේ ගුරුවරිය ලෙස ගයානි කෞෂ්‍යල්‍ය මහත්මිය කටයුතු කරනවා.
එම දියණියන් ඉතා ආරක්ෂිත ලෙස රැක බලා ගනිමින් ලෝකය ස්පර්ශ කිරීමට අවස්තාව උදා කිරීම එම ළමා නිවාසයේ අරමුණ වී ඇත.
එවැනි ළමා නිවාසයක් කරා සතුට ගෙන යාමේ අරමුණින් මැදවච්චිය ප්‍රාදේශිය ලේකම් කසුන් සෙනවිරත්න මහතාගේ සහ අනුරාධපුර දිස්ත්‍රික් සමෘද්ධි අධ්‍යක්ෂක ඩබ්ලිව්.ඒ වසන්ත මහතාගේ උපදෙස් පරිදි මැදවච්චිය සමෘද්ධි මූලස්ථාන කළමණාකරු රාහුල හේරත් මහතා ප්‍රමුක සමෘද්ධි සමාජ සංවර්ධන නිලධාරි සුචිත නිශාන් මහතා සහ මැදවච්චිය සමෘද්ධි බැංකු සංගමයේ කලමණාකරු නුවන් ලක්මාල් මහතාගේත්, 78 සංගිලිකනදරාව ප්‍රජාමූල සමිතියත් එක්ව රුපියල් ලක්ෂයකට ආසන්න මුදලක් වැය කරමින් මෙම සමාජ සත්කාරය සිදු කරනු ලැබුවා.
එම අවස්ථාවට අනුරාධපුර දිස්ත්‍රික් සමෘද්ධි අධ්‍යක්ෂක ඩබ්ලිව්.ඒ වසන්ත මහතා මැදවච්චිය සමෘද්ධි මූලස්ථාන කළමණාකරු රාහුල හේරත් මහතා අනුරාධපුර දිස්ත්‍රික් සමෘද්ධි කාර්යාලයේ ව්‍යාපෘති කළමණාකරු මනෝරි හේවාමානගේ මහත්මිය ඇතුලු රාජ්‍ය නිලධාරින් රැසක් සහභාගි වී තිබෙනවා.
Published
