රාජ්‍ය ත්‍රාන්ත්‍රිකයකු වූ සිරිසේන අමරසේකර මහතා රචිත කෘතියක් එළිදැක්වීමේ උත්සවයට සහභාගී වී ඒ පිලිබදව එම මහතාගේ මුහුණු පොතේ පල කළ අදහස් පහතින් දැක්වේ.
උපුටාගැනීම
"දශක පහක කාලයක් ඉක්මවූ රාජ්‍ය සේවයේ අත්දැකීම් සහිත හිටපු අග්‍රාමාත්‍ය ලේකම්වරයෙකු මෙන්ම රාජ්‍ය ත්‍රාන්ත්‍රිකයකු වූ සිරිසේන අමරසේකර මහතාගේ Herding Frantic Cats (අකීකරු පූසන් පාලනය) කෘතිය එළිදැක්වීමේ උත්සවයට මම සහභාගී වුණෙමි.
සංවර්ධන ක්‍රමසම්පාදන වේදීන්ගේ සංගමය විසින් ශ්‍රී ලංකා පදනම් ආයතනයෙහි දී සංවිධානය කර තිබූ එම උත්සවය සඳහා හිටපු ජනාධිපති මෛත්‍රීපාල සිරිසේන මහතා ඇතුළු සම්භාවනීය අමුත්තන් රැසක් ද සහභාගී වී සිටියහ.
දිගුකාලීන තම අත්දැකීමෙන්, පුළුල් නිරීක්ෂණයන්ගෙන් සහ විවිධ ක්ෂේත්‍රයන් පිළිබඳ ඇති න්‍යායාත්මක මෙන්ම ප්‍රායෝගික දැනුමෙන් ද රචිත මෙම කෘතියෙන් පසුගිය අඩ සියවසක කාලය තුළ අප රටෙහි පැවති ආර්ථික, සමාජයීය, දේශපාලන සහ පරිපාලන ක්‍රියාදාමය විවරණය කර ඇත.
සිරිසේන අමරසේකර මහතා ඉතා දීර්ඝ කාලයක් පුරා විවිධ ධුරයන් දරමින් රාජ්‍ය සේවය තුළ සිදු කරන ලද සේවය අගයමි.
තම කුළුදුල් ග්‍රන්ථය එළිදක්වා ලේඛන කලාවට පිවිසි එම මහතාගේ අනාගත ලේඛන දිවියට සුබ පැතුම් එක්කරමි."
Published
