ජාත්‍යන්තර ණය ශ්‍රේණිගත කිරීමේ ආයතනයක් වන ෆිච් රේටින්ග්ස් ශ්‍රී ලංකාව පිළිබඳව අනතුරු ඇඟවීමක් නිකුත් කර තිබෙනවා
ශ්‍රී ලංකා රජය විසින් ඉදිරිපත්කළ 2026 අයවැය සම්බන්ධයෙන්
ඒ අනුව ඔවුන් පවසන්නේ නව අයවැය රටේ දිගුකාලීන ආර්ථික අපේක්ෂාවන්ට සැලකිය යුතු අවදානම් ගෙන දෙන බවයි.
මෙම අනතුරු ඇඟවීමට හේතුව වී ඇත්තේ, පසුගිය වසරේ මූල්‍ය දියුණුව අත්පත් කර ගැනීම සඳහා අත්‍යවශ්‍ය මහජන ආයෝජන සඳහා දැඩි ලෙස වියදම් අඩු කිරීමයි.
ඒ අනුව, එම ආයෝජන දළ දේශීය නිෂ්පාදිතයට සාපේක්ෂ මුල් ඉලක්කයට වඩා සැලකිය යුතු ලෙස පහත වැටී ඇති බව ඔවුන් පවසන්නේ.
එමෙන්ම මෙම වියදම් අඩු කිරීම ආර්ථිකයේ වර්ධන විභවය දුර්වල කළ හැකි බවත්, අනාගතයේදී මූල්‍ය ඒකාබද්ධ කිරීමේ අභියෝගය තවත් වැඩි කළ හැකි බවත්, ඉහළ රජයේ ණය ප්‍රමාණය තවදුරටත් රටේ ප්‍රධාන දුර්වලතාවක් ලෙස පවතින බවත් ෆිච් රේටින්ග්ස් ආයතනය වැඩිදුරටත් අවධාරණය කරනවා.
එමෙන්ම තිරසාර ශක්තිමත් ආදායම් කාර්ය සාධනය රජයේ මූල්‍ය ඉලක්ක සපුරා ගැනීම සඳහා උපකාරී වනු ඇති බවද Fitch Ratings ආයතනය සඳහන් කර තිබෙනවා
මේ අතර ජාත්‍යන්තර මූල්‍ය අරමුදලේ වැඩසටහනේ දක්වා ඇති ප්‍රධාන මූල්‍ය සලකුණු සපුරාලීම අඛණ්ඩව සිදු කිරීම, ශ්‍රී ලංකාවේ ප්‍රතිපත්ති සම්පාදන වාර්තාව වැඩිදියුණු කිරීමට බලධාරීන්ට උපකාරී වනු ඇති බවද Fitch Ratings ආයතනය පවසන්නේ.
රජය 2025 සමස්ත හිඟ ඉලක්ක පරාජය කළද, 2026 සඳහා වන දළ දේශීය නිෂ්පාදිතයෙන් සියයට 5.1ක නිල හිඟය පිළිබඳ පුරෝකතනය ෆිච් රේටින්ග්ස් ආයතනය අපේක්ෂා කළ ප්‍රමාණයට වඩා පුළුල් බව ඔවුන් ප්‍රකාශ කළා.
බදු වර්ධනය දළ දේශීය නිෂ්පාදිතයට සමගාමීව වර්ධනය නොවුවහොත්, ලබන වසරේ ආදායමේ අපේක්ෂිත අඩුව මූල්‍ය පීඩනයට හේතු විය හැකි බවටද ෆිච් රේටින්ග්ස් අනතුරු අඟවා තිබෙනවා.
