වත්කම් සහ බැරකම් ප්රකාශන වෙත මහජනතාවට ඇති ප්රවේශය සීමා කෙරෙන යෝජිත දූෂණ විරෝධී සංශෝධන පනත් කෙටුම්පත ඉල්ලා අස්කර ගන්නා ලෙස ට්රාන්ස්පේරන්සි ඉන්ටනැෂනල් ශ්රී ලංකා ආයතනය රජයෙන් ඉල්ලා සිටිනවා.
2026 ජූලි 24 වන දින ගැසට් පත්රයේ පළ කරන ලද අදාළ සංශෝධන මගින් පනතින් ලබාදී ඇති තොරතුරු මහජනයා විසින් භාවිත කිරීම අපරාධයක් බවට පත්කර ඇති බවයි නිවේදනයක් නිකුත් කරමින් එම ආයතනය පෙන්වා දෙන්නේ.
මේ මගින් ජනමාධ්යවේදීන්ට, සිවිල් සමාජයට සහ පුරවැසියන්ට, රාජ්ය නිලධාරීන්ගේ වත්කම් නිරීක්ෂණය කිරීමට සහ වගවීම තහවුරු කිරීමට ඇති හැකියාව දැඩි ලෙස අහෝසි වී යන බවද ට්රාන්ස්පේරන්සි ඉන්ටනැෂනල් ශ්රී ලංකා ආයතනය ආයතනය පෙන්වා දෙනවා.
එමෙන්ම, ප්රකාශකයා සමග ජීවත්වන තැනැත්තන්ගේ වත්කම් හෙළිදරව් කිරීමේ අවශ්යතාව ඉවත් කිරීම මගින්, වත්කම් සැඟවීමට ඉඩකඩ සැලසෙන බව ද අදාල නිවේදනයේ සඳහන්.
එබැවින්, වත්කම් ප්රකාශන භාවිතයට, පැනවීමට යෝජිත සීමා ඉවත් කර තොරතුරු දැනගැනීමේ අයිතිය ආරක්ෂා කිරීමට කටයුතු කරන ලෙසයි ට්රාන්ස්පේරන්සි ඉන්ටනැෂනල් ආයතනය සිය නිවේදනය මගින් රජයෙන් වැඩිදුරටත් ඉල්ලා සිටින්නේ.
