කැලණි ගංගා නිම්නයේ පහත්බිම් ප්රදේශවලට මහ ගංවතුර තත්ත්වයක් ඇතිවිය හැකි බවට අනතුරු ඇඟවීම් නිකුත් කර තිබෙනවා.
ඒ අනුව ඉදිරි පැය 48ක කාලය තුළ ඇහැලියගොඩ, නෝර්වුඩ්, යටියන්තොට, ගලිගමුව, රුවන්වැල්ල, බුලත්කොහුපිටිය, දෙහිඕවිට, සීතාවක, දොම්පේ, පාදුක්ක, හෝමාගම, කඩුවෙල, බියගම, කොලොන්නාව, කැලණිය, වත්තල හා කොළඹ ප්රාදේශීය ලේකම් කොට්ඨාසවලට අයත් කැලණි ගංගා නිම්නයේ පහත්බිම් ප්රදේශවලට මෙලෙස මහ ගංවතුර තත්ත්වයක් ඇතිවිය හැකි බවටයි අනතුරු ඇඟවීම් නිකුත් කර ඇත්තේ.
වාරිමාර්ග දෙපාර්තමේන්තුව පවසන්නේ කැලණි ගංගා ද්රෝණියේ ධාරා ප්රදේශවල බොහෝ ස්ථානවලට මේ වනවිට අධික වැසි ඇදහැලෙමින් ඇති බවයි.
එම වර්ෂා තත්ත්වය ද, කැලණි ගඟ ඉහළ ද්රෝණියේ පිහිටි ජලාශවලින් පිටකරනු ලබන ජල ප්රමාණය සහ වාරිමාර්ග දෙපාර්තමේන්තුව මගින් කැලණි ගංගා ද්රෝණියේ තුළ නඩත්තු කරනු ලබන ගංගා ජල මාපකවල ජල මට්ටම් විශ්ලේෂණය අනුව මෙම අනතුරු ඇඟවීම් නිකුත් කර තිබෙනවා.
මේ අතර, පවතින වැසි තත්ත්වය තවදුරටත් අපේක්ෂා කරන බව කාලගුණ විද්යා දෙපාර්තමේන්තුව පවසනවා. මේ, එම දෙපාර්තමේන්තුවේ අධ්යක්ෂ අතුල කරුණානායක මහතා.
සුළඟේ තත්ත්වය සම්බන්ධයෙන්ද මෙහිදී අදහස් පළ කෙරුණා.
වැසි තත්ත්වය අඩු වන්නේ කවදාද?
මේ අතර, කෑගල්ල, මීපිටිය ප්රදේශයේ නායයෑමේ අවදානමක් හේතුවෙන් කොළඹ - නුවර මාර්ගය වසා දමා ඇති බව ආපදා කළමනාකරණ මධ්යස්ථානය පවසනවා.
මේ හේතුවෙන් කොළඹ - නුවර මාර්ගයේ රථ වාහන ධාවනය කරන පිරිස කෑගල්ල ප්රදේශයෙන් විකල්ප මාර්ග භාවිත කරන ලෙසයි දැනුම් දෙන්නේ.
එමෙන්ම අත්යවශ්ය කරුණක් හැරුණුවිට එම ප්රදේශයෙන් ගමන් කිරීමෙන් වළකින ලෙසත් ආපදා කළමනාකරණ මධ්යස්ථානය ජනතාවට දැනුම් දෙනවා.
