දිට්වා සුළි කුණාටුවෙන් විපතට පත්වූවන්ගේ මානසික සුවතාවය ඉහළ නැංවීමේ අරමුණින් ආරම්භ කළ “බියොන්ඩ් රිකවරි” නව වැඩසටහන යටතේ රාජ්ය නිලධාරීන් පුහුණු කිරීමේ මූලික වැඩමුළුව ජනාධිපති ලේකම් ආචාර්ය නන්දික සනත් කුමානායක මහතාගේ ප්රධානත්වයෙන් පැවැත්වුණා.
ඒ, ජනාධිපති කාර්යාලයේදීයි.
එම වැඩමුළුව යටතේ ආපදාවට ලක්වූ ප්රධාන දිස්ත්රික් 6ක මානසික සුවය සම්බන්ධව අවබෝධයක් හෙබි දිස්ත්රික් ලේකම් සහ ප්රාදේශීය ලේකම් කාර්යාලවල නිලධාරීන් තෝරාගෙන ඔවුන් පුහුණු කිරීම මේ යටතේ සිදු කෙරෙන බවයි ජනාධිපති මාධ්ය අංශය සදහන් කළේ. එම පුහුණු වැඩසටහන් මෙරට මානසික සුවතාවය පිළිබඳ ප්රවීනයන් විසින් සිදු කරනු ලබනවා.
ආපදාවට ලක්වූ දිස්ත්රික්කවල සුරක්ෂා මධ්යස්ථාන තුළ ක්රියාත්මක කළ යුතු විද්යාත්මක වැඩසටහන් සැකසීම මෙන්ම උපදේශන මාලාවන් නිර්මාණය කිරීම ඇතුළු මානසික උපදේශන වැඩසටහන් සම්බන්ධවද මෙම මූලික වැඩසටහනේදී සාකච්ඡා කෙරෙන බවද ජනාධිපති මාධ්ය අංශය සදහන් කළා.
ක්ලීන් ශ්රී ලංකා වැඩසටහනේ මුඛ්ය පරමාර්ථය වන්නේ මෙරට සමාජයීය ආචාරධර්ම සහ පාරිසරික යහපැවැත්ම උසස් මට්ටමකට ගෙන ඒමයි. එය යථාර්ථයක් බව පත් කිරීමේ අරමුණින් මෙම මානුෂීය මෙහෙයුම ආරම්භ කර තිබෙනවා.
මෙම වැඩමුළුවට සහභාගි වී පුහුණුව ලබන රාජ්ය නිලධාරීන් නුදුරේදීම සුරක්ෂා මධ්යස්ථාන හරහා ආපදාවට ලක්වූ ජනතාවගේ මානසික සුවතාවය ඉහළ නැංවීම උදෙසා වැඩසටහන් ක්රියාත්මක කරන බවයි ජනාධිපති මාධ්ය අංශය සදහන් කළේ.
