සංචාරක ශ්‍රී ලංකා කණ්ඩායම සහ සිම්බාබ්වේ කණ්ඩායම අතර පළමු එක්දින ක්‍රිකට් තරඟය දැන් පැවැත්වෙනවා. ඒ, සිම්බාබ්වේ හි හරාරේ ක්‍රීඩාංගණයේදීයි. තරඟයේ ප්‍රථමයෙන් පන්දුවට පහර දුන් ශ්‍රී ලංකා කණ්ඩායම නියමිත පන්දුවාර 50 අවසානයේ කඩුලු 06ක් දැවී ලකුණු 298ක් රැස් කළා. පැතුම් නිස්සංක ලකුණු 76යි. අවසානයේ වේගවත් පිති හරඹයක නිරත වූ ජනිත් ලියනගේ සහ කමිඳු මෙන්ඩිස් 06 වන කඩුල්ල සඳහා ලකුණු 137ක විශිෂ්ට සබඳතාවක් ගොඩනැඟුවා. ජනිත් ලියනගේ පන්දු 47කදී නොදැවී ලකුණු 70යි. කමිඳු මෙන්ඩිස් පන්දු 36කදී ලකුණු 57ක් රැස් කළා. පිළිතුරු ඉනිම ක්‍රීඩා කිරීම ඇරඹූ සිම්බාබ්වේ කණ්ඩායමේ පළමු කඩුලු දෙක පළමු පන්දු වාරයේදී ලකුණු බින්දුවකට දවා ගැනීමට අසිත ප්‍රනාන්දු සමත් වුණා. ඉන් පසුව පිටියට එක්වූ බෙන් කරන් සහ ෂෝන් විලියම්ස් සිම්බාබ්වේ ඉනිම ගොඩනැඟුවා. සිම්බාබ්වේ කණ්ඩායම පන්දුවාර 32ක් අවසානයේ කඩුලු 05ක් දැවී ලකුණු 171ක් රැස් කරගෙන සිටියා.