ෆීජි දූපත් ආශ්‍රිතව ප්‍රබල භූ කම්පනයක්

පැසිෆික් සාගරයේ පිහිටි දූපතක් වන ෆීජි දූපත් රාජ්‍යයේ ප්‍රබල භූකම්පනයක් සිදුව තිබෙනවා 

ෆීජි දූපත් කලාපයේ ඇතිවූ මෙම  භූ කම්පනය රික්ටර් මාපක 6.5ක ප්‍රබලත්වයෙන් යුතු බවයි  එක්සත් ජනපද භූ විද්‍යා සමීක්ෂණ ආයතනය පවසන්නේ 

භූමිකම්පාවේ අපකේන්ද්‍රය ටොංගා හි හූමා සිට කිලෝමීටර 617 නිරිත දෙසින් සහ ෆීජි හි සුවා සිට කිලෝමීටර 934 දකුණු දකුණු දෙසින් සටහන් ව තිබුණි.

මෙම භූමිකම්පාවෙන් සුනාමි තර්ජනයක් නොමැති බවයි  එක්සත් ජනපද භූ විද්‍යා සමීක්ෂණ ආයතනය පවසන්නේ

මෙම භූකම්පනය පොළොව මතුපිට සිට කිලෝමීටර 174ක් පමණ අභ්‍යන්තරයෙන් හටගෙන ඇති බවයි විදෙස් මාධ්‍ය වාර්තා කළේ.

එරට වේලාවෙන් අද (14) පෙරවරු 8.00ට පමණ මෙම භූකම්පනය හටගෙන තිබේ.

ෆීජි දූපත් වල දකුණ භූමිකම්පා වලට ගොදුරු වන ප්‍රදේශයක් ලෙස හැඳින්වේ.

මෙම කලාපය පිහිටා ඇත්තේ ෆීජි භූ කම්පන කලාපය තුළ වන අතර එය නිතර භූමිකම්පා සඳහා ප්‍රසිද්ධ ප්‍රදේශයකි.

ෆීජි පිහිටා ඇත්තේ ඉහළ භූ කම්පන ක්‍රියාකාරකම් ඇති කලාපයක් වන "ගිනි වළල්ල" ලෙස පොදුවේ හැඳින්වෙන සර්කම්-පැසිෆික් භූ කම්පන තැටිය තුළ බවයි විදෙස් මාධ්‍ය වාර්තා කරන්නේ