පාකිස්තානය හැර, ඇෆ්ගනිස්ථානය සියලුම අසල්වැසියන් රට සමග සතුටින් සිටින බව ඇෆ්ගනිස්ථානයේ තලේබාන් විදේශ අමාත්‍ය අමීර් ඛාන් මුත්තකි පවසයි.
"අපි කිසිවෙකු සමඟ ගැටුමක් අවශ්‍ය නැහැ. ඇෆ්ගනිස්ථානයේ සාමය පවතී. පකිස්ථානය අපගේ එකම අසල්වැසියා නොවේ - අපට තවත් අසල්වැසියන් පස් දෙනෙකු සිටින අතර, ඔවුන් සියල්ලෝම අප සමඟ සතුටු වෙති," මුත්තකි පැවසූ බව ANI වාර්තා කරයි.
ඔහු දැනට ඉන්දියාවේ සතියක සංචාරයක යෙදී සිටී.
2021 අගෝස්තු මාසයේදී එක්සත් ජනපද හමුදා ඉවත් කර ගැනීමෙන් පසු තලේබාන් කණ්ඩායම එරට බලය අල්ලා ගත් අතර ඉන් පසු ජ්‍යෙෂ්ඨ තලේබාන් සාමාජිකයෙකු විදේශ රටක සිදු කරන පළමු සංචාරය මෙයයි.
ඇෆ්ගනිස්ථාන අගනුවර වන කාබුල්හි පකිස්ථාන ගුවන් ප්‍රහාර මගින් අවුලුවන ලද මෑත කාලීන ඇෆ්ගනිස්ථාන-පකිස්ථාන දේශසීමා ගැටුම් පිළිබඳ ප්‍රශ්නවලට පිළිතුරු දෙමින් මුත්තකි මෙම ප්‍රකාශය කළේය.
එමෙන්ම පකිස්තානයට අනතුරු අගවමින් මුත්තකී පවසා තිබුණේ ඔවුන්ට සාමය අවශ්‍ය නොවන්නේ නම් ඇෆ්ගනිස්තානයට වෙනත් විකල්ප ඇති බවයි.
තම සංචාරය ඉන්දියාව සමඟ ද්විපාර්ශ්වික සබඳතා ශක්තිමත් කිරීමට උපකාරී වනු ඇතැයි මුත්තකි ද ශුභවාදී අදහස් පළ කළේය.
