ඔඩිෂා වෙරළට ඔබ්බෙන් පිහිටි ඩොක්ටර් ඒ.පී.ජේ. අබ්දුල් කලාම් දූපතේදී, ඉන්දියාවේ ආරක්ෂක පර්යේෂණ සහ සංවර්ධන සංවිධානය (DRDO) විසින් ගුවනින් පෘෂ්ඨයට එල්ල කෙරෙන ‘කුෂා’ දීර්ඝ පරාසැති මිසයිල පද්ධතියේ ප්රථම ගුවන් අත්හදා බැලීම සාර්ථකව නිම කර ඇත.
අධිවේගී මෙන්ම ඉහළ අභ්යවකාශ සීමාවේ පියාසර කරන සතුරු තර්ජනයක් යැයි උපකල්පනය කරමින් සකසන ලද විද්යුත් ඉලක්කයක් නිවැරදිව ග්රහණය කර ගනිමින් එය විනාශ කිරීමට මෙම මිසයිල පද්ධතිය සමත් වූ බව ඉන්දීය ආරක්ෂක අමාත්යාංශය නිවේදනය කළේය.
සතුරු ප්රහාරක ජෙට් යානා, මිසයිල, ඩ්රෝන යානා මෙන්ම ප්රමාණයේ විශාල සතුරු ගුවන් යානා පවා ඉතා ඉහළ අහසේදී සහ විශාල පරාසයක් ආවරණය කරමින් බිම හෙළීමේ සුවිශේෂී තාක්ෂණික හැකියාව ‘කුෂා’ පද්ධතිය සතු බව අමාත්යාංශය පෙන්වා දෙයි.
මෙම අභිමානවත් ජයග්රහණය වෙනුවෙන් DRDO ආයතනය ඇතුළු සම්බන්ධ වූ සියලු කණ්ඩායම් වෙත සිය සුබ පැතුම් එක්කළ ආරක්ෂක අමාත්ය රාජ්නාත් සිං, සමාජ මාධ්ය ඔස්සේ සටහනක් තබමින් කියා සිටියේ මෙය ඉන්දියාවේ ආරක්ෂක පර්යේෂණ ක්ෂේත්රයේ දැවැන්ත පෙරළියක් බවයි.
ලොව ඉතා සීමිත රටවල් සංඛ්යාවක් සතුව පමණක් පවතින මෙවැනි තාක්ෂණයක් දේශීයව සංවර්ධනය කිරීම හරහා, විදේශීය මිසයිල මත රඳා පැවැත්ම අවම වී ඉන්දියාවේ ගුවන් ආරක්ෂණ බලය තවදුරටත් තහවුරු වන බවද අමාත්යවරයා වැඩිදුරටත් සඳහන් කළේය.
