යුරෝපා සංගමයේ ඉහළ පෙළේ නිලධාරීන් සහ මෝටර් රථ කර්මාන්තයේ අභ්යන්තර ආරංචි මාර්ග උපුටා දක්වමින් Handelsblatt පුවත්පත වාර්තා කළේ, චීනයෙන් ආනයනය කරනු ලබන දෙමුහුන් (Hybrid) මෝටර් රථ සඳහා ‘ප්රතිතුලන තීරුබදු’ පැනවීමට යුරෝපීය කොමිසම සැලසුම් කරමින් සිටින බවයි.
එම පුවත්පතට අනුව, මෙම ක්රියාවලියට සම්බන්ධ පුද්ගලයින් තිදෙනෙකු ප්රකාශ කර ඇත්තේ යුරෝපා සංගමයේ සාමාජික රටවල බහුතරයකගේ අනුමැතිය ලැබුණු වහාම අදාළ තීරුබදු ක්රියාත්මක කිරීමට හැකි වන පරිදි යුරෝපීය කොමිසම මේ වන විටත් අවශ්ය සියලු කටයුතු සූදානම් කර ඇති බවයි.
චීනය සමඟ පවතින වර්ධනය වන වෙළඳ හිඟය පාලනය කිරීම සඳහා මෙන්ම, දුර්ලභ ඛනිජ ඇතුළු අනෙකුත් අත්යවශ්ය ද්රව්ය සැපයුම් සඳහා ලොව දෙවන විශාලතම ආර්ථිකය වන චීනය මත දැඩි ලෙස රඳා පැවතීම සීමා කිරීම සඳහා ගත යුතු නව සහ දැඩි ක්රියාමාර්ග පිළිබඳව යුරෝපා සංගමයේ නායකයින් පසුගිය බ්රහස්පතින්දා සාකච්ඡා පවත්වා තිබුණි.
‘හැන්ඩල්ස්බ්ලැට්’ පුවත්පත වැඩිදුරටත් සඳහන් කරන්නේ BYD, Chery සහ SAIC වැනි චීන නිෂ්පාදකයින්ගේ වාහන සඳහා මෙම අතිරේක ප්රතිතුලන තීරුබදු පැනවීම කොමිසමේ අරමුණ වී ඇති බවයි.
යුරෝපා සංගමය විසින් චීනයේ නිෂ්පාදිත විද්යුත් වාහන (EV) ආනයනය කිරීම සඳහා 2024 වසරේ සිටම මෙවැනි බදු පනවා තිබීම විශේෂත්වයකි.
