චීනය විසින් න්යෂ්ටික බලයෙන් ක්රියාත්මක වන සබ්මැරීනයක සිට ව්යාජ යුධ හිසක් සහිත දිගු දුර විදිනයක් (බැලස්ටික් මිසයිලයක්) පැසිෆික් සාගරය වෙත අත්හදා බැලීමක් ලෙස දියත් කිරීමත් සමඟ කලාපීය ආරක්ෂාව පිළිබඳ දැඩි කනස්සල්ලක් සහ නොසන්සුන්තාවයක් යළි මතුව තිබේ.
ඉකුත් සඳුදා දින සිදුකළ මෙම මිසයිල දියත් කිරීම, කලාපය අස්ථාවර කරන සහ කුපිත කරවන සුළු ක්රියාවක් ලෙස හෙළා දකිමින් ඕස්ට්රේලියාව, නවසීලන්තය, ජපානය ඇතුළු රටවල් කිහිපයක්ම සිය විරෝධය පළ කර ඇත.
මෙම මිසයිල ප්රහාරය හුදෙක් සාමාන්ය පුහුණු අභ්යාසයක් පමණක් බව බීජිං පාලනය අවධාරණය කළද, එය සිදුකළ වකවානුව සහ ස්ථානය, විශේෂයෙන්ම දකුණු පැසිෆික් න්යෂ්ටික අවිවලින් තොර කලාපය තුළට එල්ල වීම පැහැදිලි භූදේශපාලනික බලපෑමක් සහ සංඥාවක් ලොවට විදහා පාන බව විචාරකයෝ පවසති.
චීන මහජන විමුක්ති හමුදාවේ නාවික බලකාය (PLA Navy) ප්රකාශ කරන්නේ මෙම මිසයිල දියත් කිරීම ඔවුන්ගේ වාර්ෂික මිලිටරි පුහුණු සැලැස්මේ සාමාන්ය පියවරක් පමණක් බවයි. එය ජාත්යන්තර නීති රීතිවලට අනුකූලව සිදුකළ එකක් බවත්, කිසිදු නිශ්චිත රටක් ඉලක්ක කරගෙන සිදුනොකළ බවත් ඔවුහු අවධාරණය කරති.
කෙසේ වෙතත්, මෙම මිසයිල පරීක්ෂණය සිදුවූයේ චීනය සහ රුසියාව චින්ඩාවෝ මුහුදු තීරයේ ඒකාබද්ධ නාවික අභ්යාසයක නිරත වෙමින් සිටි වකවානුවකදීමය.
මොස්කව් පාලනය සමඟ පවතින ශක්තිමත් මිලිටරි සබඳතාවය සහ තමන් සතු යුධ ශක්තිය ලෝකයටම ප්රදර්ශනය කිරීම බීජිං පාලනයේ සැබෑ අරමුණ බව මෙයින් පැහැදිලි වන බව ආරක්ෂක විශ්ලේෂකයෝ පවසති.
මෙම පරීක්ෂණය සඳහා යොදාගන්නට ඇත්තේ ඇමෙරිකානු මහද්වීපයට පවා ප්රහාර එල්ල කළ හැකි, චීනයේ නවීනතම න්යෂ්ටික බලැති ‘JL-3’ වර්ගයේ බැලස්ටික් මිසයිලයක් විය හැකි බවටද ඔවුහු සැක පළ කරති.
මෙම මිසයිල දියත් කිරීම පිටුපස පැහැදිලි දේශපාලනික පණිවිඩයක් ඇති බව පෙනී යන්නේ එය සිදුකළ දිනය දෙස බැලීමේදීය.
පැසිෆික් කලාපය තුළ චීන බලපෑම මැඩපැවැත්වීම අරමුණු කරගනිමින් ඕස්ට්රේලියාව සහ ෆීජි රාජ්යය ආරක්ෂක ගිවිසුමකට අත්සන් තැබුවේද එදිනමය. එමඟින් පෙනී යන්නේ, තමන් සතු මිලිටරි බලයේ සීමාව කොතරම් දුරකට විහිදී ඇත්දැයි අසල්වැසි රටවලට මතක් කර දීමට බීජිං පාලනය මෙහිදී උත්සාහ කර ඇති බවයි.
