සැප්තැම්බර් 12 සහ 13 යන දිනවල නවදිල්ලි නුවර පැවැත්වෙන 18 වැනි BRICS සමුළුවට සහභාගී වීම සඳහා චීන ජනාධිපති ෂී ජින්පිං ඉන්දියාවේ සංචාරයක නිරත වන බව චීන විදේශ අමාත්යාංශය නිවේදනය කළේය.
ඉන්දීය අග්රාමාත්ය නරේන්ද්ර මෝදිගේ ආරාධනයෙන් ෂී ජින්පිං මෙම සමුළුවට සහභාගී වීම සඳහා ඉන්දියාවට පැමිණෙන බව චීන විදේශ අමාත්යාංශය සඳහන් කළේය.
ෂී ජින්පිං ඉන්දියාවට පැමිණෙන්නේද යන්න පිළිබඳව මුලදී නිල වශයෙන් ප්රකාශ කිරීමෙන් බීජිං රජය වැළකී සිටි අතර, මෙම තහවුරු කිරීම සිදු වූයේ සමුළුව ආරම්භ වීමට දින කිහිපයක් පමණක් තිබියදීය.
මෙම සංචාරය තහවුරු කිරීමත් සමඟ සමුළුව සඳහා චීනය නියෝජනය කරමින් කවුරුන් සහභාගී වේද යන්න පිළිබඳව පැවති අනුමාන සහ අවිනිශ්චිතතාවයන් දැන් අවසන් වී තිබේ.
ඒ අනුව ෂී ජින්පිං වසර හතකට පසු ඉන්දියාවේ සංචාරයක නිරත වන පළමු අවස්ථාව මෙය වන අතර, නවදිල්ලිය සහ බීජිං අතර ද්විපාර්ශ්වික සබඳතා ස්ථාවර කර ගැනීමට දරන උත්සාහයන් මධ්යයේ මෙම සංචාරය දැඩි ජාත්යන්තර අවධානයට ලක්වනු ඇතැයි අපේක්ෂා කෙරේ.
