ඇමෙරිකාව සහ ඉරානය අතර පැවැත්වෙන දරුණු යුදමය ගැටුම් පියවරෙන් පියවර අවසන් කිරීමේ නව රාජ්යතාන්ත්රික මාවතක් පිළිබඳව දෙරටේ නියෝජිතයින් නිව්යෝක් නුවරදී සාකච්ඡා ආරම්භ කර තිබෙනවා.
එක්සත් ජාතීන්ගේ මහා මණ්ඩල සමුළුවට සමගාමීව මැදිහත්කරුවන් මාර්ගයෙන් මෙම නියෝජිත සාකච්ඡා පැවැත්වෙන බවයි විදෙස් මාධ්ය වාර්තා කළේ.
මෙම යෝජිත සැලැස්මට අනුව, ඉරානය විසින් ලෝක තෙල් ප්රවාහනයට අතිශය තීරණාත්මක හෝමූස් සමුද්ර සන්ධිය නැවත නාවික ගමනාගමනය සඳහා විවෘත කිරීමට නියමිතයි.
ඊට ප්රතිචාර ලෙස, ඇමෙරිකා එක්සත් ජනපදය විසින් ඉරානයට එරෙහිව පනවා ඇති දැඩි ආර්ථික වැටලීම් සහ සම්බාධක ඉවත් කිරීමට එකඟතාව පළකිරීමට නියමිත බවයි විදෙස් මාධ්ය වාර්තා කළේ.
ලබන නොවැම්බර් මාසයේ පැවැත්වීමට නියමිත ඇමෙරිකානු මැතිවරණයට ප්රථම මෙම පියවරෙන් පියවර ක්රියාත්මක වන විසඳුමකට එළඹීමට දෙපාර්ශ්වයේම අවධානය යොමුව තිබෙනවා.
කෙසේ වෙතත්, සාකච්ඡා අතරතුරදී පවා දෙරටම සිය වාසිදායක තත්ත්වයන් පවත්වා ගැනීමට උත්සාහ කිරීම හේතුවෙන් අවසන් එකඟතාවයකට පැමිණීම අභියෝගාත්මක වී ඇති බවයි රාජ්යතාන්ත්රික ආරංචි මාර්ග සඳහන් කරන්නේ.
