රාජ්ය නිලධාරීන්ගේ වැටුප් හා විශ්රාම වැටුප් ක්ෂේත්රයේ ප්රතිසංස්කරණ සඳහා පත් කළ රාජ්ය නිලධාරීන්ගේ වැටුප් හා විශ්රාම වැටුප් කොමිෂන් සභාවේ නිල කාර්යාලය විවෘත කිරීම අද සිදුවනවා.
ඒ කොළඹ 07, මලලසේකර මාවතේ පිහිටි කොමිෂන් සභා කාර්යාලයේදීයි.
2026 ජූනි 22 දිනැති අංක 2494/05 දරන අතිවිශේෂ ගැසට් පත්ර මගින් ජනාධිපති විධානයකට අනුව මෙම කොමිෂන් සභාව පිහිටුවනු ලැබුවා.
රාජ්ය නිලධාරීන්ගේ වැටුප් සහ විශ්රාම වැටුප් පිළිබඳව පවතින ගැටලුවලට විසඳුම් ලබා දීම, රාජ්ය සේවකයන්ගේ වෘත්තීයභාවය ඉහළ නැංවීම, නව තාක්ෂණික ප්රවණතා සහ ගෝලීය ප්රවණතා අනුව රාජ්ය සේවය කුමන ආකාරයෙන් ව්යුහාත්මකව ප්රතිශෝධනය සිදුවිය යුතුද යන්න සඳහා නිර්දේශ ලබාදීම ආදිය පිළිබඳ වගකීම මෙම කොමිසම වෙත පවරා තිබෙනවා.
එම අරමුණු සාක්ෂාත් කර ගැනීම සඳහා වෘත්තීය සමිති, සංවිධාන සහ මහජනතාව වෙතින් අදහස් සහ යෝජනා කැඳවීමද අද දිනයේ නිල වශයෙන් ආරම්භ කිරීමට නියමිත බවයි ජනාධිපති මාධ්ය අංශය සඳහන් කළේ.
