ජනාධිපති අනුර කුමාර දිසානායක මහතා එක්සත් ජාතීන්ගේ මහා මණ්ඩලයට සහභාගි වීම සඳහා අමෙරිකා එක්සත් ජනපදය බලා පිටත්ව යාම හේතුවෙන් අමාත්යාංශ 04ක් සඳහා වැඩබලන අමාත්යවරුන් පත් කර තිබෙනවා.
ඒ අනුව ජනාධිපතිවරයා යටතේ පවතින ඩිජිටල් ආර්ථික අමාත්යාංශය, ආරක්ෂක අමාත්යාංශය සහ මුදල් හා ක්රම සම්පාදන සහ ආර්ථික සංවර්ධන අමාත්යාංශය යන අමාත්යාංශ සඳහා වැඩබලන අමාත්යවරුන් තිදෙනෙක්ද එම සංචාරයට එක්වූ අමාත්ය විජිත හේරත් මහතා යටතේ පවතින විදේශ කටයුතු, විදේශ රැකියා සහ සංචාරක අමාත්යාංශය සඳහා එක් වැඩබලන අමාත්යවරයෙක්ද පත් කර ඇති බවයි ජනාධිපති මාධ්ය අංශය නිවේදනය කළේ.
ඒ අනුව මුදල් හා ක්රම සම්පාදන සහ ආර්ථික සංවර්ධන වැඩබලන අමාත්යවරයා ලෙස කම්කරු අමාත්ය සහ ආර්ථික සංවර්ධන නියෝජ්ය අමාත්ය අනිල් ජයන්ත ප්රනාන්දු මහතා පත් කර තිබෙනවා.
ඩිජිටල් ආර්ථික වැඩබලන අමාත්යවරයා ලෙස පත් කර ඇත්තේ ඩිජිටල් ආර්ථික නියෝජ්ය අමාත්ය එරංග වීරරත්න මහතායි.
ආරක්ෂක වැඩබලන අමාත්යවරයා ලෙස ආරක්ෂක නියෝජ්ය අමාත්ය අරුණ ජයසේකර මහතා පත්කර ඇති අතර විදේශ කටයුතු, විදේශ රැකියා සහ සංචාරක වැඩබලන අමාත්යවරයා ලෙස එම අමාත්යංශයේ නියෝජ්ය අමාත්ය අරුන් හේමචන්ද්ර මහතා පත් කර ඇති බවයි ජනාධිපති මාධ්ය අංශය වැඩිදුරටත් සඳහන් කළේ.
