2025 අධ්යයන පොදු සහතික පත්ර උසස් පෙළ විභාගයට අදාළ උපකාරක පන්ති සම්මන්ත්රණ හා වැඩමුළු පැවැත්වීම නොවැම්බර් 04 වනදා මධ්යම රාත්රියේ සිට විභාගය අවසන් වන තුරු තහනම් බව විභාග දෙපාර්තමේන්තුව පවසනවා.
ඒ අනුව එම විභාග අපේක්ෂකයින් සඳහා උපකාරක පන්ති පැවැත්වීම, විෂයානුබද්ධ දේශන, සම්මන්ත්රණ හා වැඩමුළු පැවැත්වීම, අනුමාන ප්රශ්න ඇතුළත් ප්රශ්න පත්ර මුද්රණය හා බෙදාහැරීම විභාග ප්රශ්නපත්රවලට සමාන ප්රශ්න ලබාදෙන බවට පෝස්ටර්, බැනර් හෝ අත් පත්රිකා විද්යුත් හෝ මුද්රිත මාධ්ය මගින් ප්රසිද්ධ කිරීම තහනම්.
යම් අයෙකු හෝ ආයතනයක් එම නියෝග නොසලකා කටයුතු කරන්නේ නම් ඔවුන් විභාග පනත යටතේ වරදකරුවකු වන බව ද විභාග දෙපාර්තමේන්තුව පවසනවා.
ඒ අනුව යම් අයෙකු හෝ ආයතනයක් එම නියෝග කඩකරන්නේ නම් ඒ පිළිබද ළගම පොලිස් ස්ථානයට, පොලිස් මුලස්ථානයට හෝ විභාග දෙපාර්තමේන්තුව වෙත දැනුම් දෙන ලෙසට එම දෙපාර්තමේන්තුව ඉල්ලීමක් ද කළා.
2025 අධ්යන පොදු සහතික පත්ර උසස්පෙළ විභාගය නොවැම්බර් මස 10 වනදා සිට දෙසැම්බර් මස 5 වන දින දක්වා දිවයින පුරා විභාග මධ්යස්ථාන 2362කදී පැවැත්වීමට නියමිතයි.
