රතු මුහුදේ පිහිටි උපායමාර්ගික බබ් අල්-මන්ඩෙබ් සමුද්ර සන්ධිය ආශ්රිත යේමන වෙරළ තීරයේ පාලනය තහවුරු කරගැනීම සඳහා හූති සටන්කාමීන් සහ සෞදි අරාබි බලකායන් අතර දැඩි ප්රහාර හුවමාරුවක් ආරම්භ වී තිබෙනවා.
මේ අතර, යේමනයේ ජාත්යන්තරව පිළිගත් රජයට එරෙහිව සිදුවන මෙම අභ්යන්තර ගැටුමට මැදිහත් නොවන්නැයි හූති සංවිධානය වොෂිංටනයෙන් ඉල්ලා සිටි බවයි අමෙරිකානු ජනාධිපති ඩොනල්ඩ් ට්රම්ප් සඳහන් කළේ.
මේ අතර, ඉරාක භූමියේ සිට එල්ල වූ ඩ්රෝන ප්රහාරයකින් සෞදි අරාබියේ නැගෙනහිර-බටහිර තෙල් නල මාර්ගයට හානි සිදු වීමත් සමඟ, ඉරාකය සහ ඉරානය අතර පිහිටි සීමා මායිම් හරස් මාර්ග 3ක් තාවකාලිකව වසා දැමීමට ඉරාක බලධාරීන් පියවර ගෙන තිබෙනවා.
පූර්වාරක්ෂක පියවරක් ලෙස අදාළ තෙල් නල මාර්ගයේ කටයුතු අත්හිටුවීමට සෞදි අරාබිය කටයුතු කළද, ඔවුන් ක්ෂණික හමුදාමය ප්රතිචාරයකට මෙතෙක් එළඹ නැහැ.
කලාපීය ආරක්ෂාව සහ හෝමුස් සමුද්ර සන්ධියේ නාවික කටයුතුවල ආරක්ෂාව සම්බන්ධයෙන් සාකච්ඡා කිරීම සඳහා ඉරාන නියෝජිතයින් ලබන සඳුදා ඕමානයේදී ගල්ෆ් කලාපීය රටවල නියෝජිතයින් හමුවීමට නියමිත බවයි විදේශ වාර්තා සඳහන් කරන්නේ.
