Published
චීනයේ නිල සංචාරයක නිරත වී සිටින ඉන්දීය විදේශ කටයුතු අමාත්‍ය එස් ජයශංකර්, චීන ජනාධිපති ෂී ජින්පින් හමුව තිබේ. බීජිං නුවර පැවැත්වෙන ෂැංහයි සහයෝගිතා සංවිධානයේ විදේශ අමාත්‍යවරුන්ගේ සමුළුවට සහභාගී වීම සඳහා ඉන්දීය විදේශ අමාත්‍යවරයා චීනයට පැමිණ සිටියි. ඊට සමගාමිව ඔහු චීන ජනාධිපති ෂී ජින්පින් හමුවූ බව ඉන්දීය මාධ්‍ය වාර්තා කරයි. මෙම හමුවේදී අමාත්‍ය ජයිශංකර් විසින් දෙරටේ ද්විපාර්ශ්වික සබඳතාවල මෑතකාලීන වර්ධනය පිළිබඳව චීන ජනාධිපතිවරයා දැනුවත් කළ බව සඳහන්. එමෙන්ම ඔහු, ෂී ජින්පින් වෙත ඉන්දීය ජනාධිපති ද්‍රෞපදි මුර්මු සහ අග්‍රාමාත්‍ය නරේන්ද්‍ර මෝදිගේ සුබ පැතුම් පිරිනැමීය. මෙම චීන සංචාරයට සමගාමීව ඉන්දීය විදේශ අමාත්‍යවරයා චීන විදේශ අමාත්‍ය වැන්ග් යී හමුවී ද්විපාර්ශවීය සාකච්ඡා සඳහා ද සහභාගී විය.
