කළුතර දිස්ත්‍රික් ලේකම් කාර්යාලයේ බිම් මහලේ විදුලි පද්ධතියක ඇති වූ හදිසි ගින්නක් හේතුවෙන් එම පද්ධතියට හානි සිදුව තිබෙනවා.

කෙසේවෙතත් ඉන් වෙනත් හානියක් හෝ කිසිදු පුද්ගලයෙකුට හානියක් සිදුව නොමැති බවයි එම ස්ථානයේ රැදි සිටින නෙත් නිවුස් නියෝජිත සම්පත් කුලරත්න පැවසුවේ.

ගින්න නිවා දමා ඇත්තේ කළුතර මහ නගර සභාවේ ගිනි නිවීම් ඒකකය විසින්.

හටගත් ගින්න හේතුවෙන් කළුතර දිස්ත්‍රික් ලේකම් කාර්යාලයේ විදුලිය විසන්ධි වී ඇති බවද නෙත් නිවුස් නියෝජිතයා වැඩිදුරටත් පැවසුවා.