දිවයිනේ නිරිත දිග ප්රදේශවල දැනට පවතින වැසි තත්ත්වය තවදුරටත් අපේක්ෂා කළ හැකි බව කාලගුණ විද්යා දෙපාර්තමේන්තුව පවසනවා.
ඒ අනුව ප්රදේශ රැසක අද දිනයේද මිලිමීටර් 75 ක පමණ තරමක තද වැසි ඇති විය හැකි බවයි කාර්යයේ නියුතු කාලගුණ විද්යාඥ උදේනි වීරසිංහ මහත්මිය පැවසුවේ.
බස්නාහිර, සබරගමුව සහ වයඹ පළාත්වලත් ගාල්ල, මාතර, මහනුවර සහ නුවරඑළිය දිස්ත්රික්කවලත් විටින් විට වැසි හෝ ගිගුරුම් සහිත වැසි ඇති විය හැකියි.
එමෙන්ම ගාල්ල, මාතර, කළුතර සහ රත්නපුර දිස්ත්රික්කවල ද ඇතැම් ස්ථානවලට මිලිමීටර් 75ක පමණ තරමක තද වැසි ඇති විය හැකි බවද කාලගුණ විද්යා දෙපාර්තමේන්තුව පැවසුවා.
ඌව පළාතේත් අම්පාර සහ මඩකලපුව දිස්ත්රික්කවලත් ස්ථාන ස්වල්පයක පස්වරු 1.00 න් පසුව වැසි හෝ ගිගුරුම් සහිත වැසි ඇති විය හැකියි.
මධ්යම කඳුකරයේ බටහිර බෑවුම් ප්රදේශවලත්, උතුරු, උතුරු-මැද, වයඹ සහ දකුණු පළාත්වලත් ත්රිකුණාමලය දිස්ත්රික්කයේත් විටින් විට හමන පැයට කිලෝමීටර් 30ත් -40ත් අතර තරමක තද සුළං ඇති විය හැකි බවද කාලග-ුණ විද්යා දෙපාර්තමේන්තුව පැවසුවා.
මේ අතර මෙතෙක් අවදානමක් නොමැති වුවත් වැසි ලැබෙන ප්රදේශවලට අයත් ගංගා ආශ්රිත පහත්බිම්වල ජනතාව තවදුරටත් විමසිල්ලෙන් සිටිය යුතු බවයි වාරිමාර්ග දෙපාර්තමේන්තුව පැවසුවේ.
