Published
රාජස්ථාන් රෝයල්ස් කණ්ඩායමේ නායකත්වය දැරූ ඉන්දීය කණ්ඩායමේ සුපිරි පිතිකරු සංජු සැම්සන් එම කණ්ඩායමෙන් ඉවත් වීමට තීරණය කර තිබෙනවා.
ඒ, අනුව ඔහු එළඹෙන 2026 අයි.පී.එල් තරඟාවලියේ දී වෙනත් කණ්ඩායමක් සමඟ එක්වනු ඇති බවයි රාජස්ථාන් කණ්ඩායම නිවේදනය කළේ.
ඉන්දීය ක්‍රිකට් ආරංචි මාර්ගවලට අනුව සංජු සැම්සන් චෙන්නායි සුපර් කිංග්ස් කණ්ඩායම සමඟ එක්වනු ඇති බවටද තොරතුරු වාර්තා වන්නේ.
ඒ, අනුව සැම්සන් වෙනුවට චෙන්නායි සුපර් කිංග්ස් කණ්ඩායම නියෝජනය කළ රවීන්ද්‍ර ජඩේජා රාජස්ථාන් රෝයල්ස් කණ්ඩායම සමඟ එක්වීමට නියමිත බව ක්‍රිකට් ආරංචි මාර්ග පවසනවා.
මේ අතර ඉන්දීය වේග පන්දු යවන මොහොමඩ් ෂාමි සහ තුන් ඉරියව් ක්‍රීඩක ග්ලෙන් මැක්ස්වෙල් වැනි ක්‍රීඩකයින් ද මෙවර අයි.පී.එල් වෙන්දේසියට පෙර හුවමාරු කර ගැනීමට සැලසුම් කර ඇති බවට වාර්තා පළ වනවා.
