යුරෝපීය කොමිසමේ සභාපතිනි උර්සුලා වොන් ඩර් ලේන් නිල සංචාරයක් ආරම්භ කරමින් ඉන්දියාවට පැමිණ තිබේ.
ඇය ඉන්දියාවේ 77 වන ජනරජ දින සැමරුමට ප්රධාන ආරාධිතයා ලෙස සහභාගී වීමට නියමිතය.
ජාතික උත්සවය සඳහා යුරෝපීය කවුන්සිලයේ සභාපති ඇන්ටෝනියෝ ලුයිස් සැන්ටොස් ඩා කොස්තා ද සහභාගීවීමට නියමිත අතර ඔවුන් ජනවාරි 27 වන දින පැවැත්වීමට නියමිත 16 වන යුරෝපා - ඉන්දියානු සමුළුවට ද සහභාගී වනු ඇත.
දෙරට අතර යෝජිත ප්රධාන නිදහස් වෙළඳ ගිවිසුම කෙරෙහි සමුළුවේදී මූලික වශයෙන් අවධානය යොමු කරනු ඇතැයි අපේක්ෂා කෙරේ.
බිලියන දෙකකට ආසන්න ජනතාවකගේ වෙළඳපොළක් නිර්මාණය කළ හැකි සහ ගෝලීය දළ දේශීය නිෂ්පාදිතයෙන් හතරෙන් එකක් පමණ නියෝජනය කළ හැකි ඉන්දියාව සමඟ නිදහස් වෙළඳ ගිවිසුමක් අවසන් කිරීමට යුරෝපා සංගමය ආසන්නයේ සිටින බව වොන් ඩර් ලේන් මීට පෙර පවසා තිබුණි.
ඩාවෝස් හි පැවති ලෝක ආර්ථික සංසදයේදී අදහස් දක්වමින් ඇය පැවසුවේ සාකච්ඡා අවසන් වීමට ආසන්න බවයි.
