ඉන්දීය සහාය ඇතිව භූතානයේ ඉදිකරන ලද මෙගාවොට් 1,020 ක ජල විදුලි ව්‍යාපෘතියක් ඉකුත් දා විවෘත කෙරිණි.
ඉන්දීය අග්‍රාමාත්‍යවරයාගේ භූතාන සංචාරයට සමගාමීව එය විවෘත කර තිබේ.
එම අවස්ථාවට එක්වෙමින් ඉන්දීය අග්‍රාමාත්‍ය නරේන්ද්‍ර මෝදි පැවසුවේ දෙරටේ ප්‍රගතිය සහ සමෘද්ධිය සමීපව බැඳී ඇති බවයි.
එබැවින් ද්විපාර්ශවික සම්බන්ධතාවය වැඩි දියුණු කිරීම කෙරෙහි වැඩි අවධානයක් යොමු කරන බව ද ඔහු පැවසුවේය.
ඉන්දීය අග්‍රාමාත්‍ය නරේන්ද්‍ර මෝදි සහ භූතානයේ වත්මන් රජු වන ජිග්මේ කේසර් නම්ග්යෙල් වැන්ග්චක් ඔවුන්ගේ පුළුල් සාකච්ඡාවලින් පසුව පුනට්සන්චු-II ව්‍යාපෘතිය ආරම්භ කළහ. ව්‍යාපෘතියෙන් ජනනය කරන විදුලිය දෙරටටම සපයනු ලැබේ.
භූතානයේ බලශක්ති ව්‍යාපෘති සඳහා අරමුදල් සැපයීම සඳහා ඉන්දීය පාර්ශවය රුපියල් කෝටි 4,000 ක සහනදායී ණය මාර්ගයක් ද නිවේදනය කළේය.
"බලශක්ති සහයෝගීතාවය ඉන්දියා-භූතාන හවුල්කාරිත්වයේ ප්‍රධාන කුළුණක් ලෙස පවතී. අද අපි පුනට්සන්චු-II ජල විදුලි ව්‍යාපෘතිය ආරම්භ කළෙමු. මෙය අපගේ රටවල් අතර මිත්‍රත්වයේ කල් පවතින සංකේතයකි," මෝඩි සමාජ මාධ්‍ය ඔස්සේ පැවසීය.
ද්විපාර්ශ්වික සබඳතා තවදුරටත් වැඩිදියුණු කිරීමට සහ ශක්තිමත් කිරීමට නායකයින් දෙදෙනා අදහස් හුවමාරු කරගත් අතර අන්‍යෝන්‍ය වශයෙන් උනන්දුවක් දක්වන කලාපීය සහ ගෝලීය ගැටළු පිළිබඳව සාකච්ඡා පැවැත්වූහ.
