චීනය එරට හමුදාවේ ජ්යෙෂ්ඨ නායකයෙකුට එරෙහිව විමර්ශනයක් ආරම්භ කර ඇතැයි වාර්තා වේ.
විදෙස් මාධ්ය වාර්තා කළේ ඔහුට එරෙහිව දූෂණ චෝදනා සහ න්යෂ්ටික අවි පිළිබඳ සංවේදී දත්ත එක්සත් ජනපදයට ලබාදීම ඇතුළු චෝදනා එල්ල වන බවයි.
මෙම විමර්ශනය චීනයේ මධ්යම හමුදා කොමිසමේ උප සභාපති සහ මහජන විමුක්ති හමුදාවේ ඉහළම නිලධාරියා වන ජෙනරාල් ෂැං යූෂියා ඉලක්ක කරයි.
චීන ආරක්ෂක අමාත්යංශය පැවසුවේ බරපතල විනය සහ නීතිය උල්ලංඝනය කිරීම් සම්බන්ධයෙන් එල්ල වන චෝදනාවලට අදාළව ඔහුට එරෙහිව විමර්ශනයක් ආරම්භ කළ බවයි.
විදෙස් ජනමාධ්ය වාර්තා අනුව චීනයේ න්යෂ්ටික අවි වැඩසටහනට අදාළ "මූලික තාක්ෂණික දත්ත" එක්සත් ජනපදයට ලබාදීම සහ උසස්වීම් ලබාදීම සඳහා විශාල අල්ලස් ලබා ගැනීම සම්බන්ධයෙන් ෂැංට චෝදනා එල්ල වී තිබේ.
ඇතැම් වාර්තා පෙන්වා දෙන්නේ දේශපාලන කල්ලි පිහිටුවීම, මධ්යම හමුදා කොමිසම තුළ අධිකාරිය අනිසි ලෙස භාවිතා නොකිරීම සහ හමුදා ප්රසම්පාදනයේ දූෂිත භාවිතයන් අධීක්ෂණය කිරීම ඇතුළු චෝදනා රැසක් ඔහුට එරෙහිව එල්ල වී ඇති බවයි.
චීන බලධාරීන් න්යෂ්ටික රහස් සම්බන්ධ කිසිදු චෝදනාවක් ප්රසිද්ධියේ තහවුරු කර නොමැත.
වොෂින්ටනයේ චීන තානාපති කාර්යාලයේ ප්රකාශකයෙකු පැවසුවේ ෂැං විමර්ශනය කිරීමට ගත් තීරණය කොමියුනිස්ට් පක්ෂයේ "දූෂණයට එරෙහිව සටන් කිරීම සඳහා පූර්ණ ආවරණය, ශුන්ය-ඉවසීමේ ප්රවේශය" පිළිබිඹු කරන බවයි.
75 හැවිරිදි ෂැං, ජනාධිපති ෂී ජින් පිංගේ විශ්වාසවන්ත සගයෙකු සහ චීන හමුදාවේ ජ්යෙෂ්ඨ අණදෙන නිලධාරියෙකු ලෙස දිගු කලක් පුරා සේවය කර ඇත.
ඔහුගේ හදිසි වැටීම මෑත දශක කිහිපය තුළ ඉහළ ජෙනරාල්වරයෙකුට එරෙහිව ගත් වඩාත්ම දැඩි පියවරයන්ගෙන් එකක් බව වාර්තා වේ.
