වැඩ බලන පොලිස්පති ප්‍රියන්ත වීරසූරිය මහතාගේ නියෝගයක් මත හැටන් සිට දුරගමන් සේවා සදහා යොදවා ඇති ලංගම සහ පෞද්ගලික බස් රථ ගිනිගත්හේන පොලිසිය මගින් හදිසි පරික්ෂාවට ලක් කර තිබෙනවා.
හැටන් මහනුවර ප්‍රධාන මාර්ගයේ ගිනිගත්හේන අඹගමුව ප්‍රදේශයේදි එම බස් රථ පරික්‍ෂාවක ලක් කර ඇති බවයි නෙත් නිවුස් වාර්තාකරු පැවසුවේ.
එහිදී මගීන්ට අන්තරාදායක ලෙස අඩුපාඩුකම් සහිතව බස් රථ ධාවනය කල ලංගම බස් රථ 5ක් සහ පෞද්ගලික බස් රථ 6ක රියදුරන් 11 දෙනෙකුට එරෙහිව නීතිමය පියවර ගැනීමට පොලීසිය පියවර ගෙන තිබෙනවා.
පරික්ෂාවට ලක් කල තවත් බස් රථ කිහිපයක රියදුරන් පිරිසකට එම අඩුපාඩුකම් සපුරා ගැනීමට පොලීසිය විසින් උපදෙස් ලබා දී ඇති බවයි නෙත් නිවුස් වාර්තාකරු වැඩිදුරටත් සඳහන් කළේ.
