මෑතකාලීන බුද්ධි අංශ තක්සේරු කිරීම් පිළිබඳ හුරුපුරුදු පුද්ගලයින් තිදෙනෙකු උපුටා දක්වමින් සීඑන්එන් (CNN) පුවත් සේවය වාර්තා කළේ, ඉදිරි සති කිහිපය තුළ ඉරානයට නව ගුවන් ආරක්ෂක පද්ධති ලබා දීමට චීනය සූදානම් වන බවට එක්සත් ජනපද බුද්ධි අංශ අනාවරණය කරගෙන ඇති බවයි.
මෙම තොගවල මූලාරම්භය සැඟවීම සඳහා බීජිං පාලනය තුන්වන රටවල් හරහා ඒවා ප්රවාහනය කිරීමට කටයුතු කරමින් සිටින බවට ඉඟි පවතින බව එම පුවත් සේවය පැවසීය.
රොයිටර් පුවත් සේවය කළ විමසීම්වලට එක්සත් ජනපද රාජ්ය දෙපාර්තමේන්තුව, ධවල මන්දිරය සහ වොෂින්ටනයේ පිහිටි චීන තානාපති කාර්යාලය වහාම ප්රතිචාර දක්වා නොමැත.
බීජිනය විසින් 'මෑන්පෑඩ්ස්' (MANPADs) ලෙස හැඳින්වෙන ගුවන් යානා නාශක මිසයිල පද්ධති හුවමාරු කිරීමට සූදානම් වන බව සීඑන්එන් පුවත් සේවය නම් නොකළ මූලාශ්ර උපුටා දක්වමින් සඳහන් කළේය.
සති හයක කාලයක් පුරා පවතින ඉරාන යුද්ධය අවසන් කිරීමේ ක්රම සෙවීම සඳහා එක්සත් ජනපදය සහ ඉරානය සෙනසුරාදා පාකිස්ථානයේ අගනුවර වන ඉස්ලාමාබාද්හිදී ඉහළ මට්ටමේ සාකච්ඡා පැවැත්වීමට නියමිතය."
