ඉන්දියාව ගෝලීය තලයේ වේගවත් ප්රගතියක් අත්කර ගනිමින් සිටියද, සංවර්ධනය වෙමින් පවතින කුඩා දූපත් රාජ්යයන්ට සහාය දෙමින් සිය ජාත්යන්තර වගකීම් ඉටු කිරීමට තවදුරටත් දැඩි ලෙස කැපවී සිටින බව ඉන්දීය විදේශ අමාත්ය ආචාර්ය එස්. ජයශංකර් ප්රකාශ කරයි.
එක්සත් ජාතීන්ගේ මහා මණ්ඩල සැසිය (UNGA) ඇමතූ ජයශංකර්, පොදු ගෝලීය ප්රගතිය උදෙසා ඉන්දියාවේ ඇති කැපවීම අවධාරණය කළ අතර, දැනට රටවල් 78 ක් පුරා ක්රියාත්මක විශාල පරිමාණයේ ඉන්දීය සංවර්ධන ව්යාපෘති 600 ක් පිළිබඳව ද කරුණු අනාවරණය කළේය.
ඉන්දියාව ඉදිරියට ගමන් කරම විට පවා එරට ගෝලීය වගකීම් පිළිබඳව අවධානයෙන් පසුවන බව පැවසූ අමාත්ය ජයශංකර් මෙම ගමනේදී අපගේ ප්රමුඛතම හවුල්කරුවන් වී ඇත්තේ අප්රිකානු ජාතීන් සහ සංවර්ධනය වෙමින් පවතින කුඩා දූපත් රාජ්යයන් බව ද සඳහන් කළේය.
මෙම ව්යාපෘති යටිතල පහසුකම්, නිෂ්පාදන, කෘෂිකර්මාන්තය, තොරතුරු තාක්ෂණය, දේශගුණික ක්රියාකාරකම්, පිරිසිදු බලශක්තිය සහ තිරසාර ජල විසඳුම් වැනි තීරණාත්මක ක්ෂේත්ර රැසක් ආවරණය වන පරිදි ක්රියාත්මක වන බව ඔහු වැඩිදුරටත් පැහැදිලි කළේය.
අර්බුදකාරී අවස්ථාවලදී විශ්වාසදායක ලෙස ප්රථමයෙන්ම සහායට පැමිණෙන රටක් ලෙස ඉන්දියාව සතු වාර්තාව පිළිබඳව අදහස් දක්වමින්, නේපාලයේ ඇති වූ හදිසි ගංවතුර සහ වෙනෙසුවේලාවේ භූමිකම්පාව වැනි ස්වාභාවික ව්යසනයන් මෙන්ම වසංගත තත්ත්වයන් හමුවේ අත්යවශ්ය ඖෂධ, ආහාර ද්රව්ය සහ සහනාධාර කඩිනමින් ලබා දීමට ඉන්දියාව කටයුතු කළ ආකාරය ද ඔහු සිහිපත් කළේය.
එසේම, එක්සත් ජාතීන්ගේ සාමසාධක මෙහෙයුම් 11 න් 9 කම දැනට ඉන්දීය සබඳතා බලකායන් සේවයේ යොදවා ඇති අතර, එක්සත් ජාතීන්ගේ සාමසාධක කටයුතු වෙනුවෙන් ඉන්දියාව දක්වන දීර්ඝකාලීන කැපවීම ද විදේශ අමාත්යවරයා මෙහිදී අවධාරණය කළේය.
