නවදිල්ලියේ පැවති 10 වන ආරක්ෂක ප්රතිපත්ති සාකච්ඡාවේදී (Defence Policy Talks) ඕස්ට්රේලියාව සහ ඉන්දියාව තම වර්ධනය වන උපායමාර්ගික සහ ආරක්ෂක හවුල්කාරිත්වය යළිත් තහවුරු කළහ.
එහිදී දෙරටම ගැඹුරු හමුදා සහයෝගීතාවයක්, පුළුල් සමුද්රීය සහයෝගීතාවයක් සහ ශක්තිමත් ආරක්ෂක කර්මාන්ත නියැලීමක් සඳහා ප්රතිඥා දුන්හ.
මැයි 8 වන දින පැවති මෙම සාකච්ඡා සඳහා ඉන්දීය ඒකාබද්ධ ලේකම් අමිතාබ් ප්රසාද් සහ ඕස්ට්රේලියාවේ ජාත්යන්තර ප්රතිපත්ති පිළිබඳ පළමු සහකාර ලේකම් බර්නාඩ් පිලිප් නායකත්වය ලබා දුන්නේය.
ඉන්දු-පැසිෆික් කලාපය තුළ දෙරටේම ආරක්ෂක සම්බන්ධීකරණය තවදුරටත් ශක්තිමත් කරන අතරතුර, ඉන්දියා-ඕස්ට්රේලියා පුළුල් උපායමාර්ගික හවුල්කාරිත්වය යටතේ ලබා ඇති ප්රගතිය මෙහිදී සමාලෝචනයට ලක් කර තිබේ.
2025 වසරේදී වාර්ෂික ඉන්දියා-ඕස්ට්රේලියා ආරක්ෂක අමාත්යවරුන්ගේ සංවාදය ආරම්භ කිරීම ඇතුළුව, ද්විපාර්ශ්වික ආරක්ෂක සහයෝගීතාව ව්යාප්ත වීම දෙපාර්ශවයේම නිලධාරීන්ගේ ඇගයීමට ලක්විය.
කැන්බරා සහ නවදිල්ලිය අතර වැඩිවන විශ්වාසය සහ උපායමාර්ගික පෙළගැස්ම මෙයින් පිළිබිඹු වන බව ඔවුහු පැවසූහ.
