බ්රිතාන්ය ජාතිකයන් ලක්ෂ 5කගේ වෛද්ය දත්ත චීන වෙබ් අඩවියක අලෙවි වේ
එක්සත් රාජධානියේ 'UK Biobank' නම් සෞඛ්ය පුණ්යායතනයක දත්ත, චීනයේ 'Alibaba' විද්යුත් වාණිජ වේදිකාව හරහා විකුණුම්කරුවන් තිදෙනෙකු විසින් විකිණීමට තබා තිබූ බව බ්රිතාන්ය රජයේ අමාත්යවරයකු බ්රහස්පතින්දා පාර්ලිමේන්තුවට දැනුම් දුන්නේය.
විද්යා, නවෝත්පාදන සහ තාක්ෂණ දෙපාර්තමේන්තුවේ රාජ්ය අමාත්යවරයකු වන ඉයන් මරේ (Ian Murray) පාර්ලිමේන්තුවට පැවසුවේ, පසුගිය සඳුදා මෙම පුණ්යායතනය විසින් රජය මේ පිළිබඳව මුලින්ම දැනුවත් කළ බවයි.
දැනට එම දත්ත විකිණීම සඳහා ප්රදර්ශනය කර නොමැති බවත්, කිසිදු ගැනුම්කරුවෙකු එම දත්ත ලබා ගැනීමට මුදල් ගෙවා නොමැති බවත් ඔහු සඳහන් කළේය.
ලොව පුරා පර්යේෂණ කටයුතු දියුණු කිරීම සඳහා ස්වේච්ඡාවෙන් ඉදිරිපත් වූ පුද්ගලයන් 500,000කගේ පමණ දත්ත අවම වශයෙන් එක් දත්ත කට්ටලයක හෝ අන්තර්ගතව ඇති බව පෙනෙන්නට තිබූ බව අමාත්යවරයා වැඩිදුරටත් කියා සිටියේය.
"කෙසේ වෙතත්, මෙම දත්තවල පුද්ගලයන්ගේ නම්, ලිපින, සම්බන්ධ කර ගත හැකි විස්තර හෝ දුරකථන අංක ඇතුළත් නොවන බව Biobank ආයතනය තහවුරු කර ඇති බව මා සභාවට දැනුම් දීමට කැමතියි," යනුවෙන් ඔහු පැවසීය.
"රජය අද අදාළ විකුණුම්කරු සමඟ කතා කළා. මෙම දැන්වීම් ඉවත් කිරීමට පෙර කිසිදු මිලදී ගැනීමක් සිදුව ඇති බව ඔවුන් විශ්වාස කරන්නේ නැහැ. තත්ත්වය පිළිබඳව දැනගත් වහාම, සහභාගිවන්නන්ගේ දත්ත ආරක්ෂා කිරීමට රජය වහාම පියවර ගත්තා," යැයි ඔහු සඳහන් කළේය.
