ඉන්දිය අග්රාමාත්ය නරේන්ද්ර මෝදි නෝර්වේ රාජ්යයේ සංචාරය කිරීමට නියමිතව තිබේ.
ඒ මැදපෙරදිග සහ යුරෝපය ආවරණය වන පරිදි ඉන්දීය අග්රාමාත්යවරයා සිදුකරන දින 05 ක විදෙස් සංචාරයට සමගාමීවයි.
මේ අතර හිටපු නෝර්වීජියානු අමාත්යවරයෙකු සහ එක්සත් ජාතීන්ගේ පරිසර වැඩසටහනේ හිටපු ප්රධානී එරික් සෝල්හයිම් ඉන්දීය රාජ්ය නායකයාගේ නායකත්වය සහ පාරිසරික දැක්ම දැඩි ලෙස අගය කර තිබේ.
ඔහු පවසා ඇත්තේ බටහිර නායකයින්ට මෝදි මහතාගේ නිරන්තර හරිත පණිවිඩයෙන් බොහෝ දේ ඉගෙන ගැනීමට ඇති බවයි.
එමෙන්ම මෝදි යනු ලොව වඩාත්ම ජනප්රිය දේශපාලනඥයා බව ද සෝල්හයිම් පැවසුවේය.
නෝර්වීජියානු පුවත්පතක් වන ‘ඩගන්ස් නේරින්ස්ලිව්’ (Dagens Naeringsliv) හි පළ වූ ලිපියක සෝල්හයිම් මෝදිගේ ජනප්රියතාවය, ආර්ථික ප්රතිසංස්කරණ සහ හරිත වර්ධනය සඳහා දක්වන දායකත්වය ඉස්මතු කළ අතර, ඔහුව ගෝලීය තලයේ ඉන්දියාවේ නැගී සිටීමට මඟ පෙන්වන පරිවර්තනීය නායකයෙකු ලෙස විස්තර කළේය.
අග්රාමාත්ය මෝදිගේ දේශපාලන ස්ථාවරය අගය කරමින් සෝල්හයිම් ලියා තිබුණේ, "ලෝකයේ කිසිදු වැදගත් රටක නායකයෙකු මෝදි තරම් තමන්ගේ රටේ ජනතාවගේ ආදරයට පාත්ර වී නැහැ," යනුවෙනි.
ඉන්දීය අග්රාමාත්යවරයා සියයට 70 කට ආසන්න මහජන ප්රසාද මට්ටමක් භුක්ති විඳින බවත්, ගෝලීය වශයෙන් වඩාත්ම බලපෑම් සහගත ප්රජාතන්ත්රවාදී නායකයෙකු ලෙස පසුවන බවත් ඔහු පෙන්වා දුන්නේය.
අග්රාමාත්යවරයා යටතේ ඉන්දියාවේ ආර්ථික වර්ධන ගමන් මඟ ඉස්මතු කළ සෝල්හයිම් ඉන්දීය ආර්ථිකය අනෙකුත් ප්රධාන ආර්ථිකයන් අභිබවා යමින් වාර්ෂිකව සියයට හතක පමණ වේගයකින් වර්ධනය වන බව ද සඳහන් කළේය.
