පසුගිය වසර පහක කාලය තුළ ගල්ෆ් කලාපයේ විවිධ රටවලින් පකිස්ථානුවන් 164,000කට වැඩි පිරිසක් පිටුවහල් කර ඇති බව ජාතික මණ්ඩලය වෙත ඉදිරිපත් කරන ලද නිල දත්ත වලට අනුව අනාවරණ වී තිබේ.
එහිදී අභ්යන්තර කටයුතු අමාත්යාංශය සභාවට දැනුම් දුන්නේ පුද්ගලයන් 108,029 දෙනෙකු පිටුවහල් කරමින් සෞදි අරාබිය එම ලැයිස්තුවේ පෙරමුණ ගෙන සිටින බවයි.
ඉන් අනතුරුව පිළිවෙලින් එක්සත් අරාබි එමීර් රාජ්යය පුද්ගලයන් 40,497ක් ද, ඕමානය 9,814ක් ද, කටාර් රාජ්යය 2,971ක් ද සහ බහරේනය පුද්ගලයන් 2,779ක් ද පිටුවහල් කර තිබේ.
PTI පක්ෂයේ නිර්මාතෘ ඉම්රාන් ඛාන් හමුවීමට අවස්ථාව නොදීම සහ වෛද්ය පහසුකම් ලබා ගැනීමට පනවා ඇතැයි කියන සීමාවන් සම්බන්ධයෙන් විපක්ෂ මන්ත්රීවරුන් සිය විරෝධය දැඩි කළ, උණුසුම් මුහුණුවරක් ගත් සභා වාරයක් අතරතුර මෙම දත්ත සභාගත කෙරුණි.
නියෝජ්ය කථානායක ගුලාම් මුස්තාෆා ෂා ගේ ප්රධානත්වයෙන් රැස් වූ සභාව තුළ අඛණ්ඩව සටන් පාඨ කීම, කථානායක අසුන ඉදිරිපිට අසුන්ගෙන විරෝධය පෑම සහ විපක්ෂ නායක මහමුද් ඛාන් අචක්සායිගේ නායකත්වයෙන් යුත් විපක්ෂ මන්ත්රීවරුන් විසින් පවත්වන ලද විරෝධය එහිදී දැකගත හැකි විය.
සභාව අමතමින් මහමුද් ඛාන් අචක්සායි කියා සිටියේ, PTI නිර්මාතෘවරයා හමුවීමට අවස්ථාව දීම සහ ඔහුගේ සෞඛ්ය ගැටලු සම්බන්ධයෙන් විපක්ෂය ඉදිරිපත් කළ ඉල්ලීම්වලට ප්රතිචාර දැක්වීමට රජය අපොහොසත් වී ඇති බවයි.
මේ අතර, ජාතික සයිබර් අපරාධ විමර්ශන ඒජන්සිය ද සිය වාර්තාව සභාවට ඉදිරිපත් කළ අතර, එහිදී 2023 වසරේ සිට මේ දක්වා කාලය තුළ පැමිණිලි 531,000කට වඩා ලැබී ඇති බව අනාවරණය විය.
