”වනස්පති“ ජාතික වැඩසටහනට සමගාමිව තවත් වනාන්තර 20ක් අද දිනයේ රක්ෂිත ලෙස ගැසට් මගින් ප්‍රකාශයට පත් කිරීමට නියමිතයි.

ඒ අනුව නුවරඑළිය, කෑගල්ල, අම්පාර, බදුල්ල, වවුනියාව හා අනුරාධපුර යන දිස්ත්‍රික්ක තුළ පිහිටි වනාන්තර 20ක් රක්ෂිත ලෙස ගැසට් මගින් ප්‍රකාශයට පත් වනු ඇති.

එහි භුමි ප්‍රමාණය හෙක්ටයාර 9538කට ආසන්න වනවා.

මෙම වැඩසටහන පැවැත්වෙන්නේ පරිසර අමාත්‍ය වෛද්‍ය දම්මික පටබැඳි මහතාගේ අතින්.

ඒ, නුවරඑළිය සදතැන්න වන විද්‍යාලයේදීයී.

මේ වන විටත් වත්මන් රජයේ පරිසර අමාත්‍යංශය, වන සංරක්ෂණ දෙපාර්තමේන්තුව සමග එක්ව වනාන්තර 93ක් රක්ෂිත ලෙස ගැසට් කර තිබෙනවා.

ඒ අනුව අද දිනයේ ගැසට් වන රක්ෂිත සමග ඒවායෙහි මුළු භූමි ප්‍රමාණය හෙක්ටයාර 65,000කට ආසන්න වනු ඇති.