ඉන්දීය අග්‍රාමාත්‍ය නරේන්ද්‍ර මෝදි ජම්මු සහ කාශ්මීරයේ රියාසි දිස්ත්‍රික්කයේ ලොව උසම දුම්රිය ආරුක්කු පාලම වන ‘චෙනබ් දුම්රිය පාලම විවෘත කළේය.
මෙම සමාරම්භක අවස්ථාවට ජම්මු සහ කාශ්මීර ලුතිනන් ආණ්ඩුකාර මනෝජ් සිංහා, මහ ඇමති ඕමාර් අබ්දුල්ලා සහ මධ්‍යම දුම්රිය අමාත්‍ය අශ්විනි වෛෂ්නාව් සහභාගී වූහ.
චෙනාබ් හි පාලම විවෘත කිරීමට පෙර අග්‍රාමාත්‍යවරයා දුම්රිය ආරුක්කු පාලම නිරීක්ෂණය කළේය.
අග්‍රාමාත්‍යවරයා එහිදී ව්‍යාපෘතියේ සේවය කළ කම්කරුවන් සමඟ ද කටයුතු කළේය.
මෙම පාලම් ජම්මු සහ කාශ්මීරයේ උදම්පූර්-ශ්‍රීනගර්-බැරමුල්ල දුම්රිය සම්බන්ධතා ව්‍යාපෘතියේ කොටසකි.
එමෙන්ම ජම්මු සහ කාශ්මීරයේ රියාසි දිස්ත්‍රික්කයේ පිහිටා ඇති චෙනාබ් පාලම ගං පත්ලේ සිට මීටර් 359ක් උසින් පිහිටි ඉංජිනේරුමය ආශ්චර්යයකි.
එය ඉතිහාසයේ පළමු වතාවට කාශ්මීර නිම්නය නිල වශයෙන් ඉන්දියාවේ සෙසු ප්‍රදේශ සමඟ දුම්රිය මාර්ගයෙන් සම්බන්ධ කරනු ඇත.
