විශ්‍රාමික මේජර් ජනරාල් අශෝක තෝරදෙණිය මහතා පිළිබඳව නොමග යවන සුළු අසත්‍ය සහ ද්වේශ සහගත ප්‍රකාශ සමාජ මාධ්‍යය ඔස්සේ ප්‍රචාරය කිරීම හා පළ කිරීම වළක්වාලමින් පනවා තිබූ කොන්දේසි සහිත ආඥාව ලබන 28 වනදා දක්වා තවදුරටත් දීර්ඝ කරන ලෙස කොළඹ මහේස්ත්‍රාත් අධිකරණය අද නියම කළා.
අධිකරණය විසින් වගඋත්තරකරුට නියෝග කළේ එදිනට මෙම පැමිණිල්ල සම්බන්ධයෙන් කරුණු දක්වන ලෙසයි.
සිද්ධිය පළමු වගඋත්තරකරු වන ඉන්ද්‍රානන්ද ද සිල්වා මහතා අධිකරණය හමුවේ පෙනී සිටි අතර දෙවෙනි වගඋත්තරකරු අද දින අධිකරණයේ පෙනී සිටීම නොසිටීම හේතුවෙන් මහේස්ත්‍රාත්වරිය එම නියෝගය නිකුත් කළා.
මහේස්ත්‍රාත්වරිය විසින් මෙම නියෝග නිකුත් කළේ 2024 අංක 9 දරණ මාර්ගගත ක්‍රමවල සුරක්ෂිතභාවය පිළිබඳ පනතේ 24 වන වගන්තිය යටතේ විශ්‍රාමික මේජර් ජනරාල් අශෝක තෝරදෙණිය මහතා කළ පැමිණිල්ලක් සලකා බැලීමෙන් පසුවයි.
