දෙස් විදෙස් ශ්රමියින්ට ප්රතිලාභ රැසක් ලබාදෙමින් කම්කරු හා විදේශ රැකියා අමාත්යාංශය විසින් ක්රියාත්මක කරන ජයගමු ශ්රී ලංකා වැඩසටහන පුදුකුඩිඉරිප්පුවේදී අද උදෑසන කම්කරු හා විදේශ රැකියා අමාත්ය මනුෂ නානායක්කාරගේ ප්රධානත්වයෙන් ආරම්භ විය.
විදේශ රැකියා අවස්ථාවන් මෙන්ම විදේශ ගත ශ්රමිකයින් හා ඔවුන්ගේ පවුල්වල සාමාජිකයින්ට ප්රතිලාභ රැසක් මෙහිදී හිමිවන අතර විදේශ ගත ශ්රමික හරසර වැඩසටහන අද උදෑසන ආරම්භ විය.
විදේශ රැකියා අවස්ථාවන් අපේක්ෂිත සියලු දෙනාටම තමන්ගේ රැකියා සිහිනය සැබෑ කරගැනීම සිහාා විදේශ රැකියා නියෝජිත ආයතන පනහකට ආසන්න සංඛ්යාවක් ජයගමු ශ්රී ලංකා වැඩසටහන සමග මුලතිව් දිස්ත්රික්කයට පැමිණ තිබේ.
මිනිස් වෙළදාම වැලැක්වීම සදහා දැනුවත් කිරීමේ වැඩසටහනක් ශ්රී ලංකා විදේශ සේවා නියුක්ති කාර්යාංශය විසින් අද ක්රියාත්මක කර තිබෙනවා.
මුලතිව් දිස්ත්රික්කයේ පොලිස් නිලධාරීන්, ග්රාම සේවා නිලධාරීන් සහ බිම් මට්ටමින් රාජකාරී කටයුතු සිදුකරන රාජ්ය නිලධාරීන් මෙහිදී දැනුවත් කෙරේ.
අවිධිමත් අංශයේ ශ්රමිකයින්ට වෘත්තීය ගරුත්වය සහ සාරවත්භාවය ලබාදෙන ගරු සරු වැඩසටහන අද සවස අමාත්යවරයාගේ ප්රධානත්වයෙන් පැවැත් වෙනවා.
ජනාධිපති අරමුදලේ සහාය ඇතිව විදේශ රැකියා සදහා පුහුණු ශ්රමිකයින් යොමු කිරීමේ අවස්ථාවන් ලබාදෙන, තරුණයින්ගේ අනාගතය වෙනුවෙන් ක්රියාත්මක ස්මාර්ට් යූත් වැඩසටහන හෙට දිනයේදී ක්රියාත්මක කිරීමට නියමිතය. ශ්රමිකයින්ගේ දරුවන්ට ශ්රම වාසනා අරමුදලේ සහාය ඇතිව පාසල් උපකරණ ලබාදීමේ වැඩසටහන හෙට සවස ක්රියාත්මක වෙනවා.
.